中華國在台灣的選舉，數十年來，一遍復/koh一遍，眾政客攏是在選前幾日，喊喝：「拜託/pài-thok 拜託/pài-thok」復加1句「凍蒜 凍蒜！」（其實是「當選」），濟濟民眾渾然不察，就將手中彼張『珍貴無比的1票』白白送出去，果然眾政客攏『當選』囉！
從此四年裡，眾政客攏無復/koh講：「拜託 /pài-thok拜託/pài-thok」，而是換『白白送票予人』的大眾，逐日逐年去向對方講：「『拜託拜託！』希望恁在有關「台語文教育的政策面」稍稍出一點仔力、盡一點仔心…...」結果咧？應付的應付，冷處理的冷處理，「死豬鎮砧的」繼續「死豬鎮砧」！
面對2014/1129這場選舉，關心台語人發展的壯士，決定欲用上大的分貝，對眾選舉候選人講：「『拜託 拜託！』莫復來騙票，若無，阮會叫你——閃！」